Il chantun Grischun emposta da nov ils tests da corona da spidar tar in auter furnitur. Quai ha Martin Bühler, il schef dal stab directiv chantunal ditg envers la somedia. La raschun sajan diversas difficultads cun ils tests che l’interpraisa turitgaisa «Disposan» ha furnì.
Nus observain il martgà ussa fitg intensiv.
Num dal nov furnitur betg enconuschent
Il fanadur era vegnì enconuschent ch’il liquid per sgargugliar era tschuf e cuntegneva memia blers scherms. Silsuenter n'haja il furnitur betg pudì remplazzar immediat ils tests. Uss na veglia «Disposan» tradir nagins detagls davart la contaminaziun envers las medias. Il num dal nov furnitur na veglia il chantun anc betg tradir. Ils tests da spidar vegnan duvrads en manaschis ed en scolas.
Custs supplementars
Tge consequenzas che quai ha per la chassa dal chantun n'è betg enconuschent. Ins ha per exempel stuì organisar l'infurmaziun dals manaschis e la respediziun dals testkits. Tenor Bühler n'èxista da quai anc nagin rendaquint. Usche spert ch'il cas saja fini vegn'ins a metter ensemen ils custs per lavur e material e metter a quint tut a «Disposan».
Ord l'archiv
Tests da massa en las scolas grischunas.
Il fanadur aveva il furnitur turitgais «Disposan» furnì tests tschufs. Il liquid per sgargugliar cuntegneva memia blers scherms. Silsuenter n'haja il furnitur betg pudì remplazzar immediat ils tests. En pli na veglia Disposan tradir nagins detagls davart la contaminaziun envers las medias, scriva la somedia. // Il num dal nov furnitur n'è anc betg enconuschent. Ils tests da spidar vegnan duvrads en manaschis ed en scolas.
