Siglir tar il cuntegn

Header

audio
«Facts & figures» tar las elecziuns grischunas
Or da Actualitad dals 16.05.2022.
abspielen. Laufzeit 4 minutas 42 Sekunden.
cuntegn

Tgi è il nov parlament? Da vegliadetgnas, schlattainas e posiziuns politicas

La cumparsa dal Cussegl grond sa mida a partir da l'avrign cun 55 novas deputadas e deputads en il Cussegl grond. RTR preschenta posiziuns, vegliadetgna, hobbys e bler dapli.

Um, circa 50 onns, da professiun interprendider u pur e politicamain dal center dretg – quai è il tipic deputà dal Cussegl grond. Quai mussan las datas che Smartvote ha rimnà cun in questiunari da las candidatas ed ils candidats per il parlament grischun.

Carta interactiva

Avrir la box Serrar la box
Legenda: Smartvote

Tge deputada nova è quant dretga e tge deputà nov quant sanester? Sin in clic chattais la visualisaziun interactiva. Igl è dentant necessari da selectar persunas elegidas e lura visualisar.

Bun da savair: Smartvote visualisescha be quellas persunas che han respundì il questiunari. Betg tuttas candidatas e candidats han fatg quai.

Quant serrada è ina partida?

Cun la midada da sistem èn ils dus pols politics (PS e PPS) vegnids rinforzads. La visualisaziun da Smartvote mussa quant serrada che mintga partida è.

Survista grafica
Legenda: Smartvote

Pli giuvegn e pli feminin

La giuvna en il parlament è er la proxima legislatura la deputada socialdemocratica Julia Müller (Trin), ella ha 25 onns. Il vegl tranter ils parlamentaris è il deputà da la Partida populara Pietro Della Cà (Brusio), cun 74 onns. Congualà cun il parlament vegl è quel che va en funcziun l'avust in zic pli giuven. La vegliadetgna media è tar 50,4 onns – avant era la vegliadetgna media tar 53,6 onns.

Il parlament è pia vegnì pli giuven – dentat er pli feminin. Dal 2018-2022 era la cumpart da dunnas anc tar 22% (26 dunnas) – en la proxima legislatura tutga mintga terz sez ad ina dunna – pia 40 da 120 èn deputadas.

En il temp liber fan quellas e quels il pli gugent sport sco ir cun skis, ir cun velo u viandar, prendan temp per la famiglia, cultura u per leger.

Visualisaziun dals hobbys da deputadas e deputads
Legenda: Smartvote

Il num il pli frequent en il Cussegl grond è Martin – en tut hai otg Martins, els avessan pia grondezia da fracziun. Ils Martins èn però repartids sur las partidas – sch'i vegnessan propi ad in consens è pia in'autra dumonda.

Era tge professiuns ch'èn las pli derasadas tranter deputadas e deputads mussa la statistica. Igl èn surtut interprendidras, purs, mainafatschenta u scolastas.

Visualisaziun da las professiuns
Legenda: Smatvote

RTR actualitad 17:00

Artitgels legids il pli savens

Scrollar a sanestra Scrollar a dretga