La tgira d'uffants duai esser finanziabla ed accessibla per tut tgi ch'educescha e quai en l'entir chantun. La regenza grischuna vul reglar quella da nov e trametta en consultaziun il sboz tar la revisiun totala da la lescha davart la promoziun da la tgira d'uffants cumplementara a la famiglia.
Cun midar il sistem sustegnan las vischnancas ed il chantun da nov las persunas responsablas per l'educaziun directamain cun reducziun dals custs che dependan da lur situaziun economica. Fin ussa survegnivan per exempel canortas d'uffants u organisaziuns da geniturs dal di contribuziuns dal maun public. La consultaziun dura enfin ils 25 da november.