Siglir tar il cuntegn

Header

video
Statistica d'accidents da traffic dal Grischun
Or da Telesguard dals 22.03.2022.
abspielen. Laufzeit 2 minutas 48 Sekunden.
cuntegn

Traffic Dapli accidents, persunas mortas e blessadas sin vias grischunas

Durant l'entir onn 2021 ha la Polizia chantunala dal Grischun registrà 2'329 accidents da traffic sin las vias grischunas. En quests èn 15 persunas mortas e 600 ulteriuras persunas èn vegnidas blessadas. En cumparegliaziun cun l'onn precedent munta quai in augment da 20%, communitgescha la Polizia chantunala en sia statistica annuala dals accidents.

Dumber d'accidents aut era pervi dal minimum dal 2020

Cumpareglià cun la media dals ultims tschintg onns resulta in augment pli moderà. Ed ensemen cun il fatg ch'il dumber dals vehichels ch'èn en il Grischun sin via è creschì l'onn passà per radund 2'200 tocs, valitescha la Polizia chantunala quest augment sco moderà. Tant pli ch'il dumber d'accidents dal 2020 è stà uschè bass sco anc mai, quai tranter auter tras la reducziund dal traffic sco consequenza dal coronavirus e las mesiras.

audio
Statistica d'accidents da traffic en Grischun
aus Actualitad vom 22.03.2022.
abspielen. Laufzeit 2 minutas 36 Sekunden.

Dapli persunas mortas e blessadas grevamain

Ils accidents, nua che persunas èn vegnidas a donn, è creschids per 13,8%. Trais persunas dapli èn mortas en acccidents sin vias grischunas che l'onn avant. Creschids pli fitg èn era accidents capitads sut influenza d'alcohol. Dapli accidents hai era dà cun motos, ed era consequenzas pli gravantas: In accident mortal dapli ed era dapli persunas blessadas grevamain.

Ristgas grondas: Il temp e la distracziun

Tar las raschuns per accidents èn 310 stads la consequenza da manischar memia spert. Tenor la polizia na munta quai betg accidents cun surpassar la limita dal tempo sin la via, mabain era tals ch'igl è vegnì manischà memia spert che las circumstanzas lubeschan. Cunquai che l'aumgnet muntia a 67,5% annunzia la Polizia chantunala da controllar pli intensiv la spertadad sin via.

RTR novitads 11:00

Artitgels legids il pli savens

Scrollar a sanestra Scrollar a dretga