Tras vitgs, vals e sur pizs - Ina giada a travers il Grischun – uss per guardar
Per gronda part a pe, ina u l'autra giada cun l'auto da posta e tren, en la bartga u sin il chaval, han ils trais umens ed il chaun fatg viadi da Mustér a Müstair. L'entschatta è stada tar la claustra da Mustér e la finamira da cuntanscher en otg dis ed otg etappas la claustra Son Jon a Müstair.
Otg dis ed otg etappas. 250 kilometers 15'000 meters d'autezza han Livio Foffa e ses chaun Lui fatg ensemen cun ils umens da camera Curdin Fliri e Roman Schmid.
27:30
video
Da Mustér a Müstair (1. part)
Or da Cuntrasts dals 28.08.2022.
laschar ir. Durada: 27 minutas 30 Secundas.
Davos las culissas
27:20
video
Bonus da Mustér a Müstair – il tunnel d'Alvra
Or da Giuventetgna dals 01.09.2022.
laschar ir. Durada: 27 minutas 20 Secundas.
24:23
video
Bonus da Mustér a Müstair – ina baterlada a S-chanf
Or da Giuventetgna dals 01.09.2022.
laschar ir. Durada: 24 minutas 23 Secundas.
05:21
video
Bonus da Mustér a Müstair – il discurs cun Men Juon
Or da Giuventetgna dals 01.09.2022.
laschar ir. Durada: 5 minutas 21 Secundas.
28:46
video
Bonus da Mustér a Müstair – il viadi cun Giatgen e Romano
Or da Giuventetgna dals 25.08.2022.
laschar ir. Durada: 28 minutas 46 Secundas.
00:30
video
Bonus da Mustér a Müstair – visita tar la veterinaria
Or da Giuventetgna dals 25.08.2022.
laschar ir. Durada: 30 Secundas.
00:34
video
Bonus da Mustér a Müstair – il capricorn
Or da Giuventetgna dals 25.08.2022.
laschar ir. Durada: 34 Secundas.
00:55
video
Bonus da Mustér a Müstair – inscunter sut Ziteil
Or da Giuventetgna dals 25.08.2022.
laschar ir. Durada: 55 Secundas.
00:54
video
Bonus da Mustér a Müstair – il Lai Titgiel
Or da Giuventetgna dals 25.08.2022.
laschar ir. Durada: 54 Secundas.
Qua pudais anc ina giada reviver las differentas etappas ch'ils trais umens ed il chaun han fatg.
Ils high- e lowlights da Livio
L'arrivada a Müstair è stada in dals puncts culminants per Livio Foffa. Là è el vegnì beneventà d'amias ed amis ch'el enconuscha ed ha gì plaschairun suenter ils 250 km viadi. In dals puncts ch'è stà plitost negativ, saja stà ch'i hajan savens stuì far in zic prescha. Ma ils highlights sajan definitivamain stads bler pli numerus. Las entupadas cun la glieud sin viadi sajan stadas uschè cordialas, ma er ils discurs davos las culissas cun Curdin Fliri e Roman Schmid sajan stads grondius. Definitivamain sajan dentant las cuntradas da bellezza stadas bellezza, sco er la levada dal sulegl ma er da chavaltgar.
audio
Ils highlights e lowlights da Livio Foffa
04:59 min, ord Actualitad dals 09.08.2022.
laschar ir. Durada: 4 minutas 59 Secundas.
1 / 69
Legenda:
L'arrivada a Müstair. Amis ed amias han gia spetgà.
RTR, Livio Foffa
2 / 69
Legenda:
Etappa 8: Da San Jon fin a Müstair
RTR, Livio Foffa
3 / 69
Legenda:
Cun chaval vai pli tgunsch sin la davosa etappa.
RTR, Livio Foffa
4 / 69
Legenda:
Il viadi vers S-charl.
RTR, Livio Foffa
5 / 69
Legenda:
Il guaud da Tamangur.
RTR, Livio Foffa
6 / 69
Legenda:
Uss anc 1'600 meters a val, fin a Müstair.
RTR, Livio Foffa
7 / 69
Legenda:
Etappa 7: Da Chapella a San Jon
RTR, Livio Foffa
8 / 69
Legenda:
Il plaz da durmir per questa notg.
RTR, Livio Foffa
9 / 69
Legenda:
Buna notg.
RTR, Livio Foffa
10 / 69
Legenda:
On the road again.
RTR, Livio Foffa
11 / 69
Legenda:
Tge fiss in viadi tras il Grischun senza la Viafier retica? Proxima fermada: Susch.
RTR, Livio Foffa
12 / 69
Legenda:
La proxima aventura cumenza.
RTR, Livio Foffa
13 / 69
Legenda:
Ma betg sulet, Oceana Galmarini, moderatura da SRF accumpogna ils viandants.
RTR, Livio Foffa
14 / 69
Legenda:
River Rafting tranter Susch ed Ardez.
RTR, Livio Foffa
15 / 69
Legenda:
Punt pendenta.
RTR, Livio Foffa
16 / 69
Legenda:
Loui n'ha gì nagina tema da la punt.
RTR, Livio Foffa
17 / 69
Legenda:
Guaud sper Avrona.
RTR, Livio Foffa
18 / 69
Legenda:
Arrivads al Lai Nair.
RTR, Livio Foffa
19 / 69
Legenda:
Livio Foffa ha entupà l'anteriur moderatur da SRF Nik Hartmann.
RTR, Livio Foffa
20 / 69
Legenda:
Arrivads a San Jon.
RTR, Livio Foffa
21 / 69
Legenda:
Etappa 6: Da Bever a Chapella
Loui è anc in zic sceptic.
RTR, Livio Foffa
22 / 69
Legenda:
Grazia a l'agid da Denise Tinner stat er gia la tenda per questa notg.
RTR, Livio Foffa
23 / 69
Legenda:
Arrivà a Chapella e vid tadlar James Gruntz.
RTR, Livio Foffa
24 / 69
Legenda:
Zuoz, in vitg da bellezza.
RTR, Livio Foffa
25 / 69
Legenda:
Sin viadi atras il vitg da La Punt.
RTR, Livio Foffa
26 / 69
Legenda:
Curdin anc vid rimnar forzas per l'etappa 6.
RTR, Livio Foffa
27 / 69
Legenda:
Roman e Curdin durant l'intervista cun Gaby Degonda en il studio da RTR.
RTR, Livio Foffa
28 / 69
Legenda:
Etappa 5: Da la Chamona d'Ela a Bever
Loui è pront per il tschintgavel di.
RTR, Livio Foffa
29 / 69
Legenda:
Roman e Curdin davant il Corn da Tinizong.
RTR, Livio Foffa
Legenda:
Etappa 4: Da Ziteil a la Chamona d'Ela
Ziteil, i spetga puspè bellezza aura.
RTR, Livio Foffa
32 / 69
Legenda:
Senza pleds: Entadim il pass digls Orgels.
RTR, Livio Foffa
33 / 69
Legenda:
Giachen Arpagaus (dretg) e ses collega Romano (sanester) han prendì il team da RTR in toc cun l'auto.
RTR, Livio Foffa
34 / 69
Legenda:
Bunas novas: Cun Loui vai bain. La veterinaria ha declerà ch'el haja in zic isà las toppas. Ma, er el po cuntinuar il viadi. Per Loui saja quai ina vita da siemi.
RTR, Livio Foffa
35 / 69
Legenda:
Mmmmh, in bun risotto dad ervas da gentar.
RTR, Livio Foffa
36 / 69
Legenda:
Ils ers da stailalvas dad Astrid Thurner.
RTR, Livio Foffa
37 / 69
Legenda:
Astrid Thurner mussa a Livio e cumpagnia ses ers cun stailalvas.
RTR, Livio Foffa
38 / 69
Legenda:
Loui ha bain in zic mal la toppa, ma laschar charezzar, quai va adina.
RTR, Livio Foffa
39 / 69
Legenda:
Da mezdi datti oz per ils umens in risotto dad ervas, fatg dad Astrid Thurner
RTR, Livio Foffa
40 / 69
Legenda:
La fanestra en baselgia cun bellezza survista.
RTR, Livio Foffa
41 / 69
Legenda:
Etappa 3: Dal Glaspass a Ziteil
Roman sa prepara per il Piz Beverin
RTR, Livio Foffa
42 / 69
Legenda:
La suita da Loui. Er el è fitg stanchel.
RTR, Livio Foffa
43 / 69
Legenda:
Arrivads a Ziteil. 16 uras da viadi. Stanchel, ma er cuntent.
RTR, Livio Foffa
Legenda:
Il Piz Beverin, 2'998 meters sur mar.
RTR, Livio Foffa
48 / 69
Legenda:
Loui giauda la vista.
RTR, Livio Foffa
49 / 69
Legenda:
Er sin il Piz Beverin stoi dar café.
RTR, Livio Foffa
50 / 69
Legenda:
Etappa 2: Da Vrin al Glaspass
Roman e Curdin gia en acziun la damaun baud.
RTR, Livio Foffa
51 / 69
Legenda:
Ils viandants cun lur ospitants, Martina e Livio.
RTR, Livio Foffa
52 / 69
Legenda:
La Val Lumnezia.
RTR, Livio Foffa
53 / 69
Legenda:
La punt – l'emprim obstachel da l'etappa d'oz.
RTR, Livio Foffa
54 / 69
Legenda:
Grazia a Guido Derungs po il viadi cuntinuar senza gronda sviada.
RTR, Livio Foffa
55 / 69
Legenda:
Cleto Camenisch n'ha betg mo gudagnà il satgados da RTR cun in selfie, mabain era grad scursanì l'etappa d'oz in pau cun ses auto.
RTR, Livio Foffa
56 / 69
Legenda:
Vista sin il Güner Lückli.
RTR, Livio Foffa
57 / 69
Legenda:
Durant che Roman e Curdin emprovan da reparar lur camera, giaudan Loui e Livio il panorama da la Val Lumnezia.
RTR, Livio Foffa
58 / 69
Legenda:
La Val Lumnezia.
RTR, Livio Foffa
59 / 69
Legenda:
Tschaina sut il Piz Beverin.
RTR, Livio Foffa
60 / 69
Legenda:
Il Loui è era pinà per quai che vegn l'auter di.
RTR, Livio Foffa
61 / 69
Legenda:
Etappa 1: Da Mustér a Vrin
L'emprima surpraisa: Visita dad Avat Vigeli da la claustra da Mustér ch'ha surdà in regal per las mungias da la claustra da Müstair.
RTR, Livio Foffa
62 / 69
Legenda:
I spetga in di da bellezza.
RTR, Livio Foffa
63 / 69
Legenda:
Partenza a Mustér la damaun baud.
RTR, Livio Foffa
64 / 69
Legenda:
Chaun Loui è pront.
RTR, Livio Foffa
65 / 69
Legenda:
Val Sumvitg.
RTR, Livio Foffa
66 / 69
Legenda:
Swimmingpool en la Val Sumvitg.
RTR, Livio Foffa
67 / 69
Legenda:
La chamona dal Terri sper la Greina.
RTR, Livio Foffa
68 / 69
Legenda:
Bogn da pais suenter la lunga etappa.
RTR, Livio Foffa
69 / 69
Legenda:
Mintgatant dovra Loui ina pausa.
RTR, Livio Foffa
Qua sut vesais vus anc ina giada las staziuns ch'il quartet ha fatg durant ils otg dis da viadi.
La davosa etappa è dumagnada
Livio ha raquintà en ses rapport quotidian anc ina giada da la bella surpraisa ch'els han entupà l'anteriur moderatur da SRF Nik Hartmann il settavel di, ch'ha lura er accumpagnà els in toc. Nik Hartmann ha fatg da quellas aventuras cun ses chaun gia bleras giadas. Il davos di da l'etappa è la finamira stada d'arrivar a Müstair. La notg han els durmì a San Jon, il plan per il di è stà dad ir in toc a chaval ed il davos toc a pe fin a Müstair. Per Livio è quai in dals puncts culminants perquai ch'el arriva en sia patria, nua ch'el è creschì si. La saira han lura amias ed amis beneventà il quartet a Müstair. Cun quai è ì a fin il viadi dad otg dis da Mustér a Müstair.
audio
Da Mustér a Müstair: la davosa etappa fin Müstair cumenza
05:57 min, ord Actualitad dals 08.08.2022.
laschar ir. Durada: 5 minutas 57 Secundas.
River rafting per arrivar a Chapella
La saira avant èn els arrivads a l'Open Air Chapella ch'ha propi plaschì a tuts ed è stà ina buna finiziun dal di. Da Chapella fin a San Jon han els pudì scursanir il viadi sur l'aua. Davent da Susch fin Ardez han il trais umens dastgà far River Rafting che saja stà ina bellezza experientscha. Il chaun Loui dentant n'ha betg participà a questa aventura, quai fiss stà memia bler stress per el. Il collega Severin ha guardà dad el durant quest temp. Durant il discurs cun Livio era il quartet al Lai Nair. A Tarasp han els entupà l'anteriur moderatur Nick Hartmann dad SRF, ch'ha accumpagnà els fin il Lai Nair.
audio
Da Mustér a Müstair: Scursanir il viadi cun River Rafting da Susch fin Ardez
09:06 min, ord Sport ed actualitad dals 07.08.2022.
laschar ir. Durada: 9 minutas 6 Secundas.
Finalmain far la duscha suenter quatter dis
Suenter avair durmì giuadora ed esser ì tras il tunnel da l'Alvra hai lura finalmain dà ina duscha. Quai è stà in dals highlights dal tschintgavel di. L'etappa sis è dentant stada ina in zic pli patgifica, igl è ì da Bever a Chapella ed els n'han betg fatg tants meters d'autezza. Las vaschias da Curdin faschevan anc adina mal, ma igl era da restar ferm ed el ha ignorà ellas. Il barbagiat han els cunzunt sentì ils emprims dis. En quest mument saja quai dentant in zic passà.
audio
Da Mustér a Müstair: Roman e Curdin rapportan da lur vista
09:46 min, ord Actualitad dals 06.08.2022.
laschar ir. Durada: 9 minutas 46 Secundas.
Di 5: da la Chamona Ela enfin a Bever
Il tschintgavel di ha manà il quartet dal Grischun Central en l'Engiadina. Auter che planisà han Livio e ses cumpogns dentant fatg il viadi a pe tras il tunnel da l'Alvra. Planisà era dad ir suravi. Loui è probablamain l'emprim chaun che ha pudì traversar uschia il tunnel. Discurrì ha Livio er davart il tema impurtant dals dretgs chalzers. Ma betg be il chalzer è impurtant. El ha pudì schliar ses problems cun ils pes entras ina buna socca. In tip che renda forsa ina giada in'emprova.
audio
Il 5avel di da viadi hai dà da vesair il tunnel d'Alvra empè da bellas cuntradas
07:49 min, ord Actualitad dals 05.08.2022.
laschar ir. Durada: 7 minutas 49 Secundas.
Il quart di è stà dir
Gievgia èn ils umens stads da viadi da Ziteil fin la Chamona d'Ela. Per Curdin è il viadi dentant plaunet vegnì dolurus. El ha survegnì vaschias vi dals pes, dentant ha el mors sin ils dents ed è ì vinavant. Er il chaunin Loui ha fatschentà Livio. El era bain fittischem, dentant ha el in zic mal vi d'ina toppa. Suenter ina visita tar la veterinaria, ha quella dentant dà l'OK. Per Loui saja quai ina vita da siemi, el fiss probabel permalà sch'el na pudess betg cuntinuar il viadi.
Ma dasper ils quitads hai er dà highlights. En il guaud ha Livio inscuntrà Astrid Thurner. Ella è droghista ed ha declerà als umens las ervas medicinalas e quellas per mangiar. Da mezdi han els lura fatg in bun risotto cun las ervas.
audio
Da Mustér a Müstair: Durant il quart di cumparan ils emprims mals
07:03 min, ord Actualitad dals 04.08.2022.
laschar ir. Durada: 7 minutas 3 Secundas.
Sin il Piz Beverin – il terz di ha cumenzà baud
Tschanà han els in bun risotto, lura han Livio, Loui, Roman e Curdin durmì sut tschel avert. Durmì n'han els betg bler. Livio ha gì da parter il satg da durmir cun Loui ed il plaz è uschia stà in zic limità. Ma, il dasdar baud ha rendì. La levada dal sulegl sin il Piz Beverin, definitivamain in'experientscha che vala la paina. Er il viagiar da notg è stà in eveniment tut spezial. Finamira dal terz di è stà dad arrivar fin a Ziteil.
audio
Da Mustér a Müstair: Il terz di èsi ì vess da vegnir or dal satg da durmir
11:32 min, ord Actualitad dals 03.08.2022.
laschar ir. Durada: 11 minutas 32 Secundas.
Il segund di e la punt da stgarpitsch
La via ha manà Livio e sia cumpagnia atras la Lumnezia. Gia curt suenter l'entschatta hani gì la sfida da traversar in flum – la punt n'era betg pronta per duvrar. Grazia a Guido Derungs hani pudì evitar da stuair returnar ils 250 meters d'autezza a Degen. Il di ha lura cuntinuà sur il Güner Lückli en Val Stussavgia e sin il Glaspass han Livio, Curdin e Roman alura survegnì il material per bivacar quella saira.
audio
Da Mustér a Müstair: Il segund di ha cumenzà cun in pitschen schoc
05:58 min, ord Actualitad dals 02.08.2022.
laschar ir. Durada: 5 minutas 58 Secundas.
L'emprim di ha cumenzà bain
Bler sulegl ed in tschiel blau – la partenza era glindesdi a las 06:00 tar la claustra a Mustér. L'emprima surpraisa ha era gia spetgà Livio Foffa avant la claustra. Avat Vigeli ha surdà ad el in regal per las mungias da la claustra da Müstair ch'el ha pudì surdar il davos di. Quest di èsi anc ì sin la chamona Terri. sin quest viadi han els dastgà ir in toc cun il bus alpin. Suenter èsi ì vinavant sur il pass Diesrut e lura or a Vrin, nua ch'ils trais umens han durmì l'emprima notg.
audio
Da Mustér a Müstair: l'emprim di ha cumenzà bain
04:49 min, ord Actualitad dals 01.08.2022.
laschar ir. Durada: 4 minutas 49 Secundas.
Il prim «selfie» cun Livio ha gudagnà
Avrir la boxSerrar la box
Legenda:
Quest «satgados RTR» cun inqual chaussetta per ina viandada datti da gudagnar. Mintgamai ina schanza per di.
RTR, Flavio Deflorin
Mintga di da lur tura ha insatgi gì la schanza da gudagnar in «satgados da RTR» emplenì cun chaussettas ch'ins po tranter auter er duvrar sin ina tura da viandar.
Ils victurs dal satgados
1 / 8
Legenda:
L'ultim victur dal satgados: Janet Grond da Müstair ha entupà Livio a la staziun finala, Müstair.
Janet Grond
2 / 8
Legenda:
Il settavel di ha Beat Pfranger entupà Livio sin ses viadi fin a San Jon.
Beat Pfranger
3 / 8
Legenda:
Anita Heussner da S-chanf survegn il satgados da RTR dal sisavel di.
Anita Heussner
4 / 8
Legenda:
Durant mezdi han Luana e Giuliana inscuntrà Livio a Bravuogn
Luana e Giuliana
5 / 8
Legenda:
Il selfie dal quart di è era gia arrivà: Lena e Sandra Baltermia da Salouf han vis Livio las 08:45 sin l'Alp Ziteil.
Sandra Baltermia
6 / 8
Legenda:
Marcel Bass spetgava gia sin 2'997 meters sur mar sin Livio. El gudogna il satgados dal terz di.
Marcel Bass
7 / 8
Legenda:
Il satgados dal segund di va a Duvin tar Cleto Camenisch. El ha era grad prendì ils viandants cun el in toc en ses auto.
Cleto Camenisch
8 / 8
Legenda:
L'emprim selfie è qua: Pirmin Lozza da Mustér ha inscuntrà Livio Foffa gia la damaun a Runcahez, Val Sumvitg e cunquai gudagnà l'emprim satgados.
Pirmin Lozza
La saira avant la gronda tura
Ils satgados èn preparads ed ils trais umens pronts da partir. La saira avant han ils viandants passentà en in'hotel a Mustér e han giudì anc ina buna tschaina avant la gronda aventura. Livio Foffa è sa legrà fitg ma è era stà in zic gnervus. Glindesdi cumenza il viadi tar la claustra a Mustér. Sco el ha raquintà eri planisà da partir gia las 06:00. Las prognosas da l'aura eran bunas uschia ch'ils trais umens na quintavan betg cun pli gronds impendiments da lezza vart.
audio
Da Mustér a Müstair: La saira avant la gronda aventura
10:54 min, ord Sport ed actualitad dals 31.07.2022.
laschar ir. Durada: 10 minutas 54 Secundas.
Las etappas
Etappa
Ruta (po variar tut tenor aura u autras surpraisas)
1. Mustér – Vrin (01-08)
- Partenza a Mustér (claustra da Mustér)
- Val Sumvitg
- Chamona dal Terri
- Vrin
