Siglir tar il cuntegn
cuntegn

Tschaiver 2018 39avel til da tschaiver a Mustér

21 gruppas han prendì part al til da tschaiver a Mustér – da quellas èn tschintg musicas da gugga da la regiun.

Bunamain 40 onns vegn gia fatg il til da tschaiver a Mustér. Ils temas actuals al tschaiver èn la mancanza d’arbiters u er la gruppa da pop ABBA e la Arche Noah. Natiralmain dastgan las princessas, ils clowns ed ils indians n'er betg mancar al til da tschaiver.

Las guggas da la regiun

  • La Bagordas Mustér
  • Las Zoclas Sumvitg
  • Las Lieurs Trun
  • Las Fifferlottas Segnas
  • Ils Vagabunds Sedrun

Program da tschaiver Mustér

Sonda, ils 10-02:

  • 14:00 Til da tschaiver. Suenter ustaria e divertiment cun las guggas en il Center da sport e cultura.
  • 20:45 Warm-Up cun in concert da guggas avant il Center da sport e cultura.
  • 21:00-04:00 Saira da tschaiver en il Center da sport e cultura cun gronda festa. I cursescha in bus da notg.

Glindesdi, ils 12-02:

  • 13:30-17:00 Til da tschaiver dals uffants.
  • 20:00 Dertgira nauscha sin plaz scola.

RR actualitad 07:00