Tunnel dal Veraina - Strivlada tranter tren chargià cun autos e tren da persunas

La sonda suentermezdi èsi vegnì tar ina strivlada a Selfranga tranter in tren chargià cun autos ed in tren da persunas da la Viafier retica. Tenor in pledader da la Viafier retica n'hai però dà naginas persunas blessadas. Il manaschi usità è spert puspè stà garantì. Trens da persunas n'èn però betg pli cursads atras il tunnel. Tenor la Viafier retica è il traffic da persunas vegnì svià sur il traject da l'Alvra. Enfin las 17:00 èsi stà da quintar cun restricziuns.