Siglir tar il cuntegn

Header

cuntegn

Turissem Grischun ITG vegn schliada definitivamain

La Cuminanza d'interess dal turissem grischun ITG ha tschentà la dumonda da vegnir schliada. La radunanza generala dals 20 d'avrigl ha decis da far quest pass.

La Cuminanza d’interess dal turissem Grischun «ITG» na datti suenter la stad betg pli. La radunanza generala ha decidì da schliar l'uniun sin la fin dal zercladur proxim. Uschia na datti er la plattafurma «GRhome» betg pli. Ins n'haja betg pudì chattar ina nova purtadra per quella.

Plattafurma GRhome senza purtadra

Cun schliar la Cuminanza d'interess dal turissem grischun perda la plattafurma GRhome sia purtadra. La plattafurma che sensibilisescha indigens e persunas cun segundas abitaziuns per il turissem en Grischun e tegn al current tge che gira e passa en il chantun. Enfin uss era la ITG purtadra da GRhome. Cun quai che quella croda davent è er la finanziaziun stada intscherta, per GRhome è perquai vegnì tschertgà ina nova soluziun.

La Somedia surpiglia il cuntegn da temp liber e porschia a las 11'000 commembras e commembers ina continuitad tar la tschertga suenter activitads, events e purschidas.

Dumonda per schliar l'uniun

Il favrer aveva la cuminanza d'interess communitgà ch'i veglian far la dumonda da schliaziun. L’ultim mez onn saja la suprastanza sa dumandada sch’i dovra la cuminanza d’interess. La finala saja la proposta da las trais organisaziuns Gastro Grischun, Telefericas dal Grischun ed HotellerieSuisse Grischun sa messa tras. Il futur veglian questas organisaziun cooperar ad hoc e tenor temas collavurar sco «Allianza turistica Grischun». Tenor basegn vegnian ins ad involver ulteriuras branschas, uniuns u il chantun.

audio
Cuminanza d'interess per il turissem grischun vegn schliada
aus Actualitad vom 04.02.2022.
abspielen. Laufzeit 3 minutas 58 Sekunden.

Las trais grondas uniuns vulan in'autra furma

Tras la pandemia hajan las trais grondas uniuns da l'ITG, Gastro Grischun, Telefericas dal Grischun ed HotellerieSuisse Grischun, collavurà fitg stretg ensemen e gì ils fils tar la politica. Cun la nova furma «Allianza turistica Grischun» sajan ins pli liber, possia ir vias directas e prender en la bartga branschas pertutgads, uniuns u il chantun.

Tge è l'ITG?

Avrir la box Serrar la box

La Cuminanza d'interess dal turissem grischun, curt ITG, è in'uniun che represchenta ils interess dal turissem grischun envers la publicitad, la politica e l'administraziun.
Ella promova mesiras da svilup turisticas ed optimescha las circumstanzas.

RTR novitads 15:00+

Artitgels legids il pli savens

Scrollar a sanestra Scrollar a dretga