Siglir tar il cuntegn

Header

cuntegn

Turissem Tavau vul promover turissem da sanadad

Cun in project cun num «Holistic Health», vul Tavau promover il turissem da sanadad – pia ina cumbinaziun da vacanzas, e purschidas da sanadad, sco massaschas, terapias u curas. Il project duai gidar a sviluppar vinavant las cumpetenzas en ils secturs sport, turissem e sanadad. Plinavant vai per nizzegiar sinergias tranter il secturs, scriva la vischnanca en ina communicaziun.

Mainaproject e chau da l'organisaziun è Sabrina Habegger, ch'ha studegià scienza da sport e sanadad a las Universitads da Basilea e Losanna. Ella surprenda l'incumbensa davent dal prim da mars 2022.

La dumonda suenter turissem da sanadad creschia vinavant a moda rapida, scriva la vischnanca. Quella furma da turissem saja ina purschida da nischa, ch'è dentant independenta da la stagiun. Ella è cun quai ina cumplettaziun pel turissem actual. Il project a Tavau vegn sustegnì da la vischnanca da Tavau, da la regiun e destinaziun Tavau Claustra e da l'Uffizi chantunal d'economia e turissem.

La promoziun da turissem da sanadad fa er part dal program chantunal da la regenza per ils onns 2021-2024.

video
Turissem da sanadad Grischun
Or da Telesguard dals 16.08.2021.
laschar ir. Durada: 2 minutas 50 Secundas.

RTR novitads 14:00

Artitgels legids il pli savens

Scrollar a sanestra Scrollar a dretga