Siglir tar il cuntegn

Header

cuntegn

Turissem Vaccin sco ticket d'entrada per hotels

Grazia a reglas strictas e cun certificats, spera il turissem svizzer da puspé survegnir dapli schlantsch. Perquai che la vaccinaziun è ina impurtanta premissa per la normalisaziun, s'engascha il mainafatschenta da Hotelleriesuisse Grischun Jürg Domenig per ina quota da vaccinaziun uschè auta sco pussaivla tar giasts ed emploiads.

La vaccinaziun saja la via per vacanzas segiras e manaschis sauns, ha ditg Domenig envers la «SonntagsZeitung». Il mument sajan las stentas dals hotels per sa proteger dal virus fitg grondas. A media vista saja il vaccin perquai il ticket d'entrada per hotels.

Access be pli cun certificat

Ad occurrenzas grondas èsi gia obligatoric d'avair in certificat per pudair entrar, uschia per exempel er al Festival da Jazz a San Murezzan. Entant dettia blers hotels en Grischun, en il Vallais ed er en Svizra centrala che pondereschan da be pli lubir a giasts vaccinads da vegnir, ha declerà il directur da Turissem Svizra, Martin Nydegger l'emna passada.

L'impuls saja vegnì dals giasts, ch'hajan ditg els sa sentissan meglier sche tut ils collavuraturs e giasts fissan vaccinads. Ma tar l'uniun tegnala Hotelleriesuisse teman ins da spaventar ina memia gronda gruppa da giasts regulars, sch'i dess in obligatori da vaccinar. Cuntrari fiss dentant gist quai tut tenor er l'argument per auters gaists da vegnir.

RTR novitads 11:00

Artitgels legids il pli savens

Scrollar a sanestra Scrollar a dretga