Tusaun - Lavurer è crudà d'in mir e sa blessà

Gievgia curt avant las 9:30 uras è in lavurer crudà giu d'in mir a Tusaun ed è sa blessà. Da manaivel dal tunnel dal Craptgeig era in team da constructurs da vias vid far la cuvrida cura ch'in um da 40 onns è crudà radund 7 meters sur in mir da sustegn giu. El è cupitgà cun il chau cunter in crap. Medis dal team da salvament han transportà el en l'ospital da Tusaun. La Polizia chantunala dal Grischun sclerescha l'andament da l'accident.