Alarmà ha l’uffizi la situaziun en la vischinanza d’in anteriur implant per arder rument a Losanna. Là han las autoritads chattà per part autas concentraziuns da dioxin en il terren – sco la “Sonntagszeitung” ha rapportà avant curt.
L'implant a Trimmis na laschia dapi 15 onns viador nagin dioxin – ha ditg Remo Fehr, il schef da l'uffizi, al Schurnal Regiunal da Radio SRF:
Il problem cun il dioxin saja ch’el restia en la terra e fetschia il pass dals animals da niz tar ils carstgauns e la chadaina da nutriment. Cura ch’ils resultats da las mesiraziuns a Trimmis èn avant maun, saja anc avert.