Legenda:
A la radunanza da las delegadas ed ils delegads da la PLD grischuna era el anc sa preschentà sco candidat pussaivel per la regenza.
RTR
Il president da Cuira e deputà dal Cussegl grond, Urs Marti vegn a sa retrair cumplettamain da la politica. El na candidescha betg pli sco deputà per il Cussegl grond. Sin la glista da la Partida liberaldemocratica dal Grischun na figurescha el betg pli, scriva la Südostschweiz.
Avant era l’um da 54 onns er stà a disposiziun per candidar sco cusseglier guvernativ. La radunanza da delegads da la PLD è però sa decidida dad ir cun Martin Bühler en il cumbat electoral per defender il sez dal cusseglier guvernativ partent Christian Rathgeb. Sco president da la citad da Cuira chala Urs Marti sin la fin dal 2024, pervi da limitaziun da temp d'uffizi.