Siglir tar il cuntegn

Header

audio
Uniuns da teater suenter corona
Or da Actualitad dals 23.05.2022.
abspielen. Laufzeit 3 minutas 34 Sekunden.
cuntegn

Uniuns dal teater popular Puspè sin tribuna suenter corona

Quels dis sa raduna la scena da teater svizra a Cuira per puspè celebrar il teater professiunal. Quest eveniment ha RTR prendì sco chaschun per guardar co ch'i va cun la scena da teater populara rumantscha.

Nus essan vegnids ensemen ed avain legì tras il toc da teater ed in'emna pli tard è il lockdown vegnì.
Autur: Hubert Venzin reschissur da la cumpignia da teater Rueras

Dapi las restricziuns pervia da la pandemia il mars 2020 èsi marschà pauc tar las gruppas da teater popular.

Las bleras uniuns han spetgà fin qua. Mo paucas gruppas èn gia stadas activas l'onn passà. Per pudair sa preschentar, han ellas stuì esser flexiblas ed innovativas. La gruppa da teater Schlarigna ha per exempel fatg in «Krimi-Dinner», ina cumedia cun ina tschaina en in'ustria. Cun questa innovaziun ha ella gì fitg grond success, di la presidenta, reschissura ed autura, Sabina Cloesters.

Er l'uniun da teater Scuol ha fatg il meglier or da la situaziun. Ella ha schizunt integrà il coronavirus cun sgnoccas, ma senza numnar el.

Ch'ins ha pudì realisar insatge che mancava dapi dus onns. Jau crai che quai era pli impurtant ch'il fatg ch'ins gioga teater.
Autur: Anna Mathis presidenta da l'uniun da teater Scuol

Hai dà en quels dus onns pli bleras uniuns da teater che han serrà la tenda per adina? Gliez na saja tenor Alfonso Moser, president da l'Uniun grischuna dal teater popular, betg il cas. La situaziun sa mussia sco avant. Tuts sajan puspè vidlonder da planisar ils novs tocs e la nova stagiun da teater.

Jau crai che nus avain surmuntà il temp da corona fitg bain.
Autur: Alfonso Moser president dall'Uniun grischuna dil teater popular

Uschia prenda il teater popular schlantsch – suenter la stad vai puspè liber. Il gust da far teater è anc adina qua. Tut sa legra cura ch'i ha puspè num: scena libra!

Ina da las producziuns preschentadas la fin d'emna

video
Swingers sin la tribuna:
Or da Telesguard dals 23.05.2022.
abspielen. Laufzeit 3 minutas 10 Sekunden.

RTR actualitad 07:00

Artitgels legids il pli savens

Scrollar a sanestra Scrollar a dretga