Siglir tar il cuntegn

Header

audio
Traffic Pasca: Zezras ha bler traffic tras il vitg
Or da Sport ed actualitad dals 18.04.2022.
abspielen. Laufzeit 2 minutas 24 Sekunden.
cuntegn

Ustiera Cornelia Perfler «Paucs tegnan airi e sche, lura per ir sin tualetta»

L’ustiera Cornelia Perfler raquinta co il traffic da Pasca atras il vitg da Zezras è per ella e las abitantas ed ils abitants.

Cun tut quels autos che passan durant la fin d’emna da Pasca l’ustaria da Cornelia Perfler, pudessan ins pensar ch’ella fa in grond gudogn. Uschia n’èsi dentant betg:

Paucs tegnan airi e quels che fan, tegnan be per ir sin tualetta.
Autur: Cornelia Perfler ustiera a Zezras

En quels 15 onns ch’ella maina l’ustaria ha Cornelia Perfler schon vis bler: Persunas ch’engolan palpiri da tualetta, accessoris da dunnas, decoraziuns da maisa u fan pisch sin il parcadi.

Nus avain entschet a pretender 1.- enfin 2.- francs per persunas che vulan ir sin tualetta.
Autur: Cornelia Perfler maina dapi 15 onns l'ustaria «Sonnegg»
video
Mancan tras vias bloccadas ils giasts?
Or da Telesguard dals 19.04.2022.
abspielen. Laufzeit 3 minutas 11 Sekunden.

Indigens na vegnan betg en l’ustaria durant quella fin d’emna

Vitiers na vegnian ils indigens u persunas dals vitgs vischins betg en l’ustaria durant quella fin d’emna. Per l’ina pervia da la canera da la via e per l’autra na possian las persunas era betg atras il vitg pervia dal traffic, raquinta la mamma da quatter uffants. Uschia serra ella durant quels dis era l’ustaria gia da las 18:00 uras, damai ch’il giasts na pon gnanc cuntanscher l’ustaria.

I è fitg malempernaivel. I fiss bel sch’ins pudess ina giada far insatge encunter quai traffic.
Autur: Cornelia Perfler giavischa ina midada

Nagina giassa da salvament

A l'ustiera na vai dentant betg be per ella, ses giasts e l'ustaria, mabain era per la segirtad. Pervia dal traffic, na fissi era betg pussibel da far ina giassa da salvament atras il vitg, incass ch’ils pumpiers stuessan stizzar in fieu u l’ambulanza ir a spendrar ina persuna, è era Cornelia Perfler conscienta. Uschia beneventass ella in scumond da charrar atras il vitg per persunas ch'èn be sin il transit durant quella fin d'emna.

RTR actualitad 17:00

Artitgels legids il pli savens

Scrollar a sanestra Scrollar a dretga