L'uvestgieu da Cuira ha ina nova pledadra da medias. A partir da l'auter onn surpiglia Nicole Büchel la responsabladad per la communicaziun da l'uvestgieu. Dapi che Joseph Maria Bonnemain era vegnì elegì sco nov uvestg il mars eran dus pledaders da medias ad interim en funcziun.
Nicole Büchel ha 45 onns, ha studegià istorgia, scienza da la communicaziun e schurnalistica. Ella è stada redactura e manadra da redacziun en il Liechtenstein ed ha sper quai er lavurà sco editura.
Cun l'elecziun da Büchel ch'è oriunda da la Val dal Rain veglia el punctuar che dunnas sajan impurtantas en las rollas da direcziun da la baselgia. Suenter las duas dunnas en il cussegl da l'uvestgieu è la pledadra da medias ussa la terza dunna en l'etascha da la direcziun da l'uvetgieu.