Ils proxims quatter onns vegnan realisads novs mirs da rempars che remplazzan quels provisorics, novas punts, vias e la lingia d’auta tensiun vegn messa sut terra. Il project custa total 42 milliuns francs. Finanzià vegn il project «Bondo II» per dus terzs tras la Confederaziun ed il chantun Grischun. 13 milliuns ha la vischnanca da la Val Bregaglia da purtar sez. Ina gronda part da quel import po ella finanziar cun raps da donaziun.
1 / 8
Legenda:
En in emprim pass vegnan ils rempars provisorics remplazzads.
RSI
2 / 8
Legenda:
Il Piz Cengalo è adina puspè en moviment.
RSI
3 / 8
Legenda:
Bondo e las autras fracziuns enturn la vischnanca, duain vegnir protegidas meglier.
RSI
4 / 8
Legenda:
Il material che la Bondasca ha purtà ora en val è anc adina imposant.
RSI
5 / 8
Legenda:
Las lavurs en la Val Bregaglia durant bun quatter onns.
RSI
6 / 8
Legenda:
La cussegliera naziunala Anna Giacometti era presidentan communala avant quatter onns.
RSI
7 / 8
Legenda:
Il cusseglier guvernativ Mario Cavigelli è cuntent ch'il project è uss lantschà.
RSI
8 / 8
Legenda:
Il president communal da la Val Bregaglia, Fernando Giovanoli.
RSI
Quatter onns suenter la tragica crudada da crappa e bova ord la Val Bondasca, nua che otg persunas han pers lur vita, duain las mesiras prevesidas cun il project «Bondo II» preservar la vallada dad ulteriuras catastrofas. Numnadamain proteger a lunga vista las fracziuns Bondo, Spino, Sottoponte e Promontogno cun novs rempars da protecziun, punts e vias.
Or da l'archiv
02:26
video
Bondo investescha passa 40 milliuns francs en la segirtad
