La damaun dals 30 da mars han ins chattà in lama mort ad Vaz Sut. Il maletg da las blessuras da l'animal da 20 onns na laschia nagins dubis, ch'il lama è mort tras in'attatga d'in luf. Quai communitgescha l’Uffizi chantunal da chatscha e pestga.
Tenor l’uffizi sajan cun gronda probabilitad dus lufs stads participads a l'incident. Per identifitgar il chaschunader han ins prendì provas da DNA. En il chantun Grischun è quai l'emprima giada, ch'in lama è vegnì stgarpà d'in luf.