Cuira Turissem sto occupar da nov il presidi sco era il vicepresidi. La presidenta Vera Stiffler chala suenter ch'ella è stada passa 10 onns en la suprastanza. Ed il vicepresident Kurt Künzli dat giu suenter 22 onns ses uffizi. Quai ha l'organisaziun da turissem annunzià oz.
Quest onn datti er ina midada en la direcziun da Cuira turissem: Il zercladur cumenza Marc-Andrea Barandun sco mainafatschenta. El succeda a Leonie Liesch. Perquai saja quai il gest mument per midadas a la testa, hai num en la communicaziun. Las elecziuns èn a la proxima radunanza generala, ils dus da matg.
