Siglir tar il cuntegn

Header

Grafica cun il traject da tren tranter Preda e Bravuogn
Legenda: Il trajet tranter Preda e Bravogn cun bleras curvas sin la lingia da l'Alvra. Viafier retica
cuntegn

Viafier retica Prova generala per record è gartegiada

La fin d'october vul la Viafier retica realisar in nov record mundial cun il pli lung tren da persunas dal mund. Quai vul dir in tren da 25 cumposiziuns cun 100 vaguns che sa stenda sin ina lunghezza da 1910 meters. Il nov record mundial vegn fatg a chaschun dal giubileum da 175 onns viafiers svizras. Al directur da la Viafier retica stat quest intent ferm a cor.

Cun 70 onns vi jau pensar a quest eveniment ed esser losch che nus avain empruvà.
Autur: Renato Fasciati directur Viafier retica

L'acziun da marketing custa var in milliun francs. Per cuvrir ils custs è la Viafier retica ussa vid organisar divers sponsurs, uschia ch'il maun public n'ha da pajar nagut londervi. Era il rest dal traffic public en il Grischun na duai betg vegnir influenzà memia fitg da l'eveniment. Perquai han ils passagiers che vulan ir en l'Engiadina quel di da viagiar via Veraina ed en la Val d'Alvra vegnan organisà bus da remplazzament.

audio
Retica fa emprova da record cun il pli lung tren
aus Actualitad vom 11.05.2022.
abspielen. Laufzeit 3 minutas 11 Sekunden.

Sper il spectachel sin ils binaris è era planisada ina festa per la populaziun a Bravuogn. Quantas persunas che possian sa partecipar a la festa n'è anc betg cler. En il tren da record na vegnan però betg ad esser massa passagiers: Mo quatter da 100 vaguns èn per passagiers e quellas plazzas èn occupadas per sponsurs e medias. Tenor Renato Fasciati è quai tuttina, pertge il spezial vid l'acziun vesian ins meglier sper las lingias da tren.

Il tren da bunamain dus kilometers è pli impressiunant cura ch'el passa sper ins vi e betg sch'ins è en il tren.
Autur: Renato Fasciati directur Viafier retica

La notg passada ha gì lieu l'emprova generala da Preda fin a Bravuogn - in'emprova ch'è gartegiada. Tenor il directur da la Viafier retica Renato Fasciati è la lingia da l'Alvra ideala per in tal record, cunquai ch'ella è spectaculara e tutga tar il patrimoni mundial da l'Unesco. Natiralmain ch'i va per la Viafier retica per far reclama e per attrair dapli passagiers en ils trens – gist suenter la pandemia da corona.

Foto da l'emprova per il record mundial da notg.
Legenda: La notg ves'ins la lunghezza dal tren. Viafier retica

RTR actualitad 11:00

Artitgels legids il pli savens

Scrollar a sanestra Scrollar a dretga