La lingia da Bever a Scuol-Tarasp oz

Sin la lingia da l’Engiadina curseschan blers trens regiunals, per part schizunt mintg’ura.

Staziun da Cuira cun in trnn nov Bild in Lightbox öffnen.

Legenda da maletgs: Ils trens da la damaun e la saira èn cunzunt impurtants per ils pendularis. Keystone

Il vitget da Madulain Avrir maletg en lightbox.

Legenda da maletgs: A Madulain para il tren dad ir tras las vias dal vitg. swiss-image.ch

Sin la lingia da l’Engiadina curseschan blers trens regiunals, per part schizunt mintg’ura. Sin la part tranter Veraina e Bever datti pliras giadas al di il tren che sa numna “Engadin-Star”. Quest tren è impurtant per la colliaziun da la regiun da Landquart cun l’Engiadina; quai cunzunt pil turissem ma era per ils pendularis.

Regularmain curseschan durant l’emna plirs trens da martganzia a Scuol-Tarasp u da Landquart via Zernez a Samedan. Blers trens da rauba van tras il tunnel dal Veraina en l’Engiadina e betg sin la lingia da l’Alvra, perquai ch’ins è pli spert.

La locomotiva da giubileum

La locomotvia da giubileum Ge 4/ II 620 "Zernez" cun la designaziun "100 onns Bever-Scuol" Avrir maletg en lightbox.

Legenda da maletgs: La locomotvia da giubileum Ge 4/ II 620 "Zernez" cun la designaziun "100 onns Bever-Scuol". mad

Ils 23 d’avrigl 2013 han il directur da la Viafier retica, Hans Amacker ed Urs Wohler, il directur da Turissem Engiadina Scuol Samignun Val Müstair SA preschentà a Cuira la locomotiva da giubileum Ge 4/4 II 620 „Zernez“ cun la designaziun “100 onns Bever-Scuol”. La gronda festa è ils 29 e 30 da fanadur 2013 a Bever, Zuoz, Lavin e Scuol. La populaziun po sa legrar d’in program da festa varià plain activitads. Tranter questas activitads èn concerts cun ils “Fränzlis da Tschlin” e differentas viafiers d’aventura mainan ils visitaders dad in lieu al auter. Plinavant porscha la Viafier retica durant questa fin d’emna bigliets da return per il pretsch da bigliets simpels.