Terms impurtants da la lingia da Bever fin Scuol-Tarasp

Dapi che dr. Friedrich Hennings ha survegnì il fanadur 1903 l’incumbensa per il project “nova lingia da viafier da Bever – Scuol-Tarasp” è bler succedì en l’istorgia da questa lingia. Qua ina cronica cun ils terms ils pli impurtants.

Cronica

27 da fanadur 1903
Il cussegl d’administraziun da la Viafier retica dat a professer Dr. Friedrich Hennings l’incumbensa per il project “nova lingia da viafier da Bever – Scuol-Tarasp”.

18 da matg 1910
Il cussegl d’administraziun da la Viafier retica decida d’electrifitgar la lingia planisada per empruvar il manaschi electric.

29 d’avust 1911
Cur che la puntada per il viaduct Val-Mela sballuna, datti 12 morts e 11 blessads.

21 da december 1912
L’emprim viadi da prova da la locomotiva electrica Ge 4/6 351 tranter Bever e Zuoz.

28 e 29 da zercladur 1913
Inauguraziun da la lingia nova cun festivitads a differentas staziuns tranter Bever e Scuol-Tarasp.

1. da fanadur 1913
Avertura uffiziala da la lingia da Bever fin Scuol-Tarasp.

22 da mars 1927
Ina locomotiva collidescha avant il tunnel da Magnacun en in crappun rudlà giu. Il locomotivist mora ed i dat 9 blessads.

19 da mars 1937
Il davos tren da la saira è fruntà avant il tunnel da Sassal en in squatsch. Il locomotivist mora immediat.

1982 e 1986
La surveglianza a distanza ord la staziun da Samedan per la lingia Bever-Ardez vegn extendida.

1999
Inauguraziun da la lingia dal Veraina. Questa lingia si da la Bassa maina in ulteriur augment da traffic per l’Engiadina Bassa e la Val Müstair.