"noss tren" - 100 onns viafier en Surselva

Cuntrasts: "noss tren" - 100 onns viafier en Surselva

Laschar ir video «"noss tren" - 100 onns viafier en Surselva»

"noss tren" - 100 onns viafier en Surselva

28 min, Cuntrasts dals 16.6.2012

La Surselva ha stuì spetgar ditg fin che la viafier tschivlava lung il Rain. L’emprim han las discussiuns infinitas davart la lingia retardà il project. Suenter la decisiun da passar tras la Ruinaulta enstagl sur Flem a Glion, mancavan il 1903 ils daners per finanziar la lingia enfin Mustér. Il film “noss tren” è in viadi la damaun marvegl da Mustér a Glion. Nus interrumpain il viadi en lieus interessants e dain era sguards en l’istorgia da quests 100 onns viafier en Surselva. Nus laschain reviver la viafier sco tren dals indigens e da l’economia locala, mussain co ch’ins ha fabritgà il 1912 quest traject da viafier cun meds simpels e co che la natira è adina puspè in factur incalculabel. Passagiers e passagieras raquintan da lur relaziun cun il tren. Il film “noss tren” è in omagi a quels che s’engaschan l’entir onn per la viafier e per quels che van di per di cun il tren.
Redacziun: Ruedi Bruderer