Regenza consternada da l'accident da tren a Casti

La regenza grischuna è consternada da l'accident dal tren dad ier en la vischinanza da Casti. Sco che la regenza scriva engrazia ella a tut las forzas da salvament ch'èn stadas en acziun la mesemna.

Chasa grischa a Cuira. Bild in Lightbox öffnen.

Legenda da maletgs: Chasa grischa a Cuira. S. Nay

Tuts sajan cuntents che quest accident n'ha betg chaschunà morts, e la regenza giavischa als blessads ina buna reconvalescenza.

Viafiers en las Alps han ristgs L'accident mussia era quant difficil ch'ì saja da manar ina viafier en las Alps, ha scrit la regenza. En futur vul la regenza sco era la Viafier retica anc promover meglier la segirtad da passagiers da viadi cun la Viafier retica. Procura publica ha avert examinaziuns La procura publica grischuna ha avert la retschertga da l'accident e vegn ad examinar, co che quest accident ha pudì capitar. L'uffizi responsabel observa vinavant la situaziun da bovas avant lieu.

RR novitads 12:00