En l’avegnir duai il chantun esser responsabel per planisar vias da velo per il traffic dal mintgadi. La regenza grischuna è pronta da surpigliar quest’incumbensa ch’è actualmain en mauns da las vischnancas. En sia resposta a la deputada Erika Cahenzli-Philipp conceda la regenza, ch’i dettia in basegn d’optimar bleras vias da velo e che l’entira planisaziun giaja memia plaun.
Bain surpiglia il chantun la responsabladad. Però stoppia tut vegnir planisà en collavuraziun cun las vischnancas, perquai che las vias sajan savens sin territori communal. En l’avegnir duai era dar dapli daners per realisar ina rait chantunala da vias da velo segira e cumpletta. Questa proposta sto anc il Cussegl grond approvar proximamain.