En la citad da Cuira hai dà il mardi bun'ura tranter las 6:30 e las 8:30 tschintg accidents pervi da vias scheladas. Latiers è ina persuna vegnida blessada levamain, sco la Polizia da la citad annunzia.
Trais accidents tar Kirchgasse Masans
Aifer sulet in'ura hai dà a la Kirchgasse Masans tut en tut trais accidents. Plirs vehichels han cumenzà a ruschnar pervi da las cundiziuns glischnas sin via uschia ch'i ha dà collisiuns. Tranter auter è er in tractor da rumir naiv da la citad cumenzà a ruschnar. In auto da persunas è collidà cun in segund tractor che steva airi. Ed in auto da furniziun è collidà da la vart cun in auto da persunas.
En consequenza dals accidents è in traject da la Via da Masans stà serrà per bun trais uras.
audio
Las novitads da las 06:00
ord RTR Audio dals 08.12.2021.
laschar ir. Durada: 4 minutas 54 Secundas.