En la vischnanca da Tumleastga resta il pe da taglia tar 110% da la taglia chantunala simpla, quai ha decis venderdi saira la radunanza communala. Ultra da quai è vegnì approvà il preventiv per l'onn proxim che preveda in surpli d'entradas da radund 164'000 francs, quai tar entradas ed expensas da mintgamai radund 12 milliuns francs.
Suenter approvar il preventiv ha la radunanza communala dentant refusà la vendita da terren a Rodels e perquai sa reduceschan las entradas per il 2022. Cunquai preveda il preventiv ussa in surpli d'expensas da radund 106'000 francs.