Siglir tar il cuntegn

Header

audio
Bernard Maissen, directur BAKOM, davart il pachet da medias.
Or da Actualitad dals 02.12.2021.
laschar ir. Durada: 04:08 minutas.
cuntegn

Votaziun dals 13 da favrer Cussegl federal propona da dir Gea al sustegn da medias

Il Cussegl federal ha lantschà la campagna da votaziun per promover las medias. A Berna ha cussegliera federala Simonetta Sommaruga preschentà ils arguments da parlament e Confederaziun. Il suveran decida ils 13 da favrer a l’urna davart il pachet da sustegn per las medias.

En Svizra sajan las medias sut squitsch finanzial perquai che las entradas da reclama ed abunaments sajan idas enavos marcantamain ils ultims onns. Passa 70 gasettas sajan svanidas:

audio
Cussegliera federala Simonetta Sommaruga
00:24 min, RTR Audio dals 02.12.2021.
laschar ir. Durada: 00:24 minutas.

Il pachet da sustegn per las medias prevesa da sustegnair la distribuziun da las gasettas e la promoziun da medias online. Quai cun maximalmain 100 milliuns francs per onn. Il sustegn è limità sin 7 onns. Ulteriurs 51 milliuns francs per onn duain sustegnair emetturs da radio e televisiun locals, la furmaziun da schurnalistas e schurnalists sco era la lavur d'agenturas da novitads.

PLD encuter il pachet

La Partida liberal-democratica svizra na sustegna betg la lescha da medias: La Conferenza dals presidents e da las presidentas da partida chantunals ha decis ier saira la parola Na. I saja bain giustifitgà da promover las medias a moda indirecta, dentant giassi memia lunsch da promover medias digitalas a moda directa en vista ad in mund da las medias independent.

RTR novitads 17:00

Artitgels legids il pli savens

Scrollar a sanestra Scrollar a dretga