La Partida liberaldemocratica dal Grischun ha decis sias posiziuns per las votaziuns dals 26 da settember.
La PLD di cleramain Gea a la lètg per tuts. Quai han han delegadas e delegads decis cun 50 cunter trais vuschs (tar ina abstenziun). Mintgina e mintgin duai pudair viver sco el vul ed il stadi na duai betg intervegnir en la vita privata. Quai è stà in dals arguments. Sche pèrs omosexuals dastgian era maridar ed adoptar uffants, lura saja quai nagut auter che gist.
L’iniziativa 99% refusan ils liberals perencunter unanimamain. L’idea dals Giuvens socialists d’auzar la taglia sin entradas da chapital fetschia donn a firmas pitschnas e mesaunas, a start-ups ed a possessurs da chasas.
A la radunanza da delegads a Cuira ha il president Bruno Claus era preschentà curtamain las quatter persunas che stattan a disposiziun per candidar per la regenza grischuna l'onn proxim.
