Siglir tar il cuntegn
Inhalt

Elecziuns 3. sez da suprastanza a Cuira resta en mauns sanesters

Il president Urs Marti (PLD) e Tom Leibundgut (Glista libra) mainan la citad da Cuira ensemen cun Patrik Degiacomi (PS). Era en il 2. scrutini ha il Socialdemocrat Degiacomi fatg las pli bleras vuschs.

Legende: Video Elecziuns Cuira, secund scrutini abspielen. Laufzeit 02:59 Minuten.
Or da Actualitad video dals 26.06.2016.

Il favurit socialdemocrat Patrik Degiacomi ha gudagnà il 2. scrutin per las elecziuns en il Cussegl da la citad da Cuira.

Las prioritads da Degiacomi

Patrik Degiacomi less sustegnair uffants, famiglias e la classa mesauna. El enconuschia ils problems da la glieud ord atgna experientscha. Che mintga uffant ha las medemas schanzas stat a cor ad el.

Sfidas vesa Degiacomi tar l’infrastructura da Cuira che sto vegnir renovada. Sia finamira è da lavurar bain cun ses collegas sur ils cunfins da las partidas ora. Dentant less el era tadlar sin ils basegns da la populaziun.

Il resultad en detagl

Tar ina participaziun totala da 31.25% na lascha il resultat nagin spazi d'interpretaziun:

Ils resultats dals 2 scrutinis


1. scrutini 05-06-2016
2. scrutini 26-06-2016
Patrik Degiacomi (PS)
3'483 vuschs
4'212 vuschs
Marco Tscholl (PBD)
2'139 vuschs
2'702 vuschs
Hanspeter Hunger (PPS)
2'079 vuschs
400 vuschs

Gia en l’emprim scrutini aveva Degiacomi survegnì las pli bleras vuschs suenter ils reelegids Urs Marti (PLD) e Tom Leibundgut (Glista libra). Lura aveva el manchentà la maioritad absoluta per mo 308 vuschs.

Senza concurrenza dals burgais

tscholl e hunger
Legenda: Ils candidats burgais eran d'accord da sa concentrar sin Marco Tscholl (PBD), la PPS da Cuira n'ha però betg retratg Hanspeter Hunger (dretg). RTR

Attatgà il sez socialdemocratic aveva il bloc burgais cun il candidat burgaisdemocratic Marco Tscholl. Sin lez eran las partudas partidas burgaisas sa cunvegnidas per impedir il socialdemocrat Degiacomi.

Il candidat da la Partida populara Hanspeter Hunger era sa retratg gia suenter l'emprim scrutin per sustegnair il bloc burgais. Sia atgna partida n'aveva però betg retratg la candidatura e proponì al suveran da Cuira da sustegnair ses candidat Hanspeter Hunger.

RR novitads 15:00