Siglir tar il cuntegn
Inhalt

Elecziuns Cuira: Ils burgais tramettan Marco Tscholl en 2. scrutin

Las partidas burgaisas da Cuira tramettan Marco Tscholl (PBD) en il segund scrutini per la suprastanza da Cuira. Cun forzas unidas vulan ils burgais evitar che las partida socialdemocrata po tegnair il sez en la suprastanza. Ils socialdemocrats mainan dentant la cursa cun Patrik Degiacomi.

Legende: Video Elecziuns Cuira: Burgais cun Marco Tscholl en 2. scrutini abspielen. Laufzeit 02:12 Minuten.
Or da Telesguard dals 06.06.2016.

Las partidas burgaisas PBD, PCD, PLD e PPS, dentant senza la PVL, èn s'inscuntradas per decider, co ir en la cursa per la plazza libra en la suprastanza da Cuira. Las partidas han decis da trametter mo pli Marco Tscholl da la partida burgaisdemocratica en la cursa. Ils auters candidats burgais na candideschan betg pli.

Situaziun da partenza

Marco Tscholl aveva fatg las pli bleras vusch dals candidats burgais en l'emprim scrutini la dumengia passada. Cun trametter mo pli Tscholl en la cursa vulan ils burgais evitar ch'ils socialdemocrats pon tegnair lur sez. Be per paucas vuschs n'è lur candidat Patrik Degiacomi betg vegnì elegì en l'emprim scrutini sco nov suprastant daCuira.

Victurs e perdents

Gia reelegids èn Urs Marti da la PLD e Tom Leibundgut da la glista libra. Urs Marti resta era president da la chapitala grischuna. Betg pli en la cursa én Hanspeter Hunger (PPS), Peter Portmann (PCD), Beath Nay (nagina partida) e Salome Mathys (PVL).

RR novitads 15:00