Eclat tar la PPS Cuira

Beath Nay è sa retratg per immediat sco president da la PPS Cuira e sorta er gist da la partida locala. La raschun sajan famas davart sia vita privata.

Il politicher da Cuira Beath Nay Bild in Lightbox öffnen.

Legenda da maletgs: Beath Nay di na – ina surpraisa per la PPS Cuira. RTR/M. Decurtins

Sco i para va a Cuira la fama ch'i dettia ina procedura penala cunter Nay pervi da violenza a chasa. Dentant ha la procura publica conferma ils 24 da favrer ad RTR che nagin cas saja avert encunter Beath Nay.

Nay vul dentant cuntinuar sco politicher, n'è dentant betg candidat per il cussegl da la citad. En ses scriver a la partida menziunescha Nay ch'el haja inoltrà in plant cunter nunenconuschent pervi da disfamaziun.

Ina surpraisa

Per la PPS Cuira é la demissiun da Beath Nay ina surpresa dì il president ad interim Mario Cortesi. Per el saja il tema stà evas causa che i na dat nagin cas avert pro la procura publica envers Beath Nay. La PPS ves era preschanta a Nay sco pussaivel candidat dal PPS Cuira per il cussegl da la cità da Cuira.