Siglir tar il cuntegn

Elecziuns Tscholl dat giu ils dretgs da sia firma

Ils suprastants da Cuira Urs Marti e Tom Leibundgut avevan da lezzas uras era dà giu las participaziuns vi da firmas. Ed uss fa quai era Marco Tscholl. La differenza: Marco Tscholl n'è anc betg elegì en la suprastanza da Cuira.

Marco Tscholl (PBD) cumbatta per il sez en la suprastanza da Cuira
Legenda: Marco Tscholl (PBD) cumbatta per il sez en la suprastanza da Cuira MAD

Il candidat per la suprastanza da Cuira, Marco Tscholl (PBD), n'è betg pli il schef da sia firma Cosi Tscholl AG. Era sch'el n'è anc betg elegì per la suprastanza da Cuira, ha Tscholl gia dà giu sia participaziun vi da la firma da communicaziun e marketing. Da nov tutga la firma a Romano Cosi.

Auter e la situaziun da l’adversari da Tscholl per il terz sez en la suprastanza da Cuira. Patrik Degiacomi (PS) maina la partiziun da prevenziun, cussegliaziun e tgira da Cuira. Sch'el vegn elegì en la suprastanza dat el si sia plazza. Dentant dess el era si divers mandats nua ch'el è participà.

Las leschas da Cuira obligheschan ils suprastants da Cuira da betg avair participaziuns vi da firmas.

RR actualitad bunura 06:00