Samignun: Gea a taxas da cura estivas pli bassas

Taxas pli bassas durant la stad per restar cumpetitiv.

vopna da Samignun Bild in Lightbox öffnen.

Legenda da maletgs: Gea a la revisiun da la lescha da taxas da cura a Samignun RTR

La populaziun da Samignun ha ditg gea cleramain cun 144 encunter 42 vuschs a la revisiun da la lescha da taxas da cura. Nov vegnan las taxas ad esser pli bassas durant la stad. Uschia duai Samignun restar pli cumpetitiv per il turissem da stad nua ch'i dependa fitg dal livel dals pretschs.

En pli ha Samignun era ditg gea a la revisiun dal urden da scola. Quel vegn ussa adattà en divers puncts a novas pretensiuns chantunalas. Era gea ha ditg Samignun a la prima etappa ed ad in credit da passa 500'000 francs per la sanaziun da la via Plan da Purscheas.