Siglir tar il cuntegn

Votaziuns communalas San Murezzan: Gea ad «Engiadina San Murezzan Turissem»

Gia 9 vischnancas han ditg gea - ussa mancan anc ils votums da Schlarigna, La Punt e S-chanf per fundar la nova organisaziun turistica per l'Engiadin'Ota

San Murezzan
Legenda: Era San Murezzan è d'accord da fundar la nova societad d'aczias Engiadina San Murezzan Turissem. RTR/S. Derungs

La vischnanca da San Murezzan ha ditg gea cleramain cun 880 encunter 267 vuschs a la fundaziun da la nova societad purtadra per la destinaziun turistica da l'Engiadin'Ota. San Murezzan segna aczias en la valur dad 86'000 francs per il chapital d'aczias da fundaziun da 250'000 francs. La societad d'aczias Engiadina San Murezzan Turissem è necessaria pervia che il circul sco organisaziun purtadra fin qua vegn liquidà la fin dal 2017. Quai sco consequenza da la refurma dal territori grischuna.

9 da 12 vischnancas han gia ditg gea

Per fundar la societad d'aczias Engiadina San Murezzan Turissem dovri in gea da tut las 11 vischnancas da l'Engiadin'Ota e da la vischnanca Bregaglia che furman nov la regiun Malögia. Ussa mancan anc las votaziuns a Schlarigna, La Punt e S-chanf.

carta cun las vischnancas da l'Engiadin'Ota che han gia decis
Legenda: Uss mancan anc las decisiuns da Schlarigna, La Punt e S-chanf RTR