Adina daplirs n'èn betg «A favur dal servetsch public»

Las votaziuns dals 5 da zercladur s’avischinan, las opiniuns sa stabiliseschan. Sche la Svizra avess decidì ils 17 da matg avess quai dà in gea per midar la lescha d’asil ed in gea per il service public. Da l’aua giu fissan idas l’entrada da basa nuncundiziunada e la finanziaziun gista dal traffic.

Survista dal segund trend per las votaziuns che l'institut gfs.bern ha retschertgà per la SSR SRG. Bild in Lightbox öffnen.

Legenda da maletgs: Ils avis daventan pli concrets. Survista dal segund trend per las votaziuns che l'institut gfs.bern ha retschertgà per la SSR SRG. RTR

Ils resultats da l’emprim trend n’èn da principi betg sa midads.

Sche votantas e votants svizzers avessan decidì gia ils 17 da matg davart ils projects da votaziun federals dals 5 da zercladur, lura avess quai dà in gea per la midada da la lescha d'asil e per l'iniziativa «A favur dal servetsch public».

Duas giadas na avess quai dà per l'iniziativa «Per la finanziaziun gista dal traffic» e per l'iniziativa «Per in'entrada da basa nuncundiziunada». Ina survista.

Gea a l’iniziativa «A favur dal servetsch public»

46% dals interrogads èn per u plitost per l’iniziativa. Quai en 12% damain ch’anc la fin dal mais d’avrigl. Quai ha mussà la retschertg’actuala da l’institut gfs.bern, per la quala èn vegnidas dumandadas 1’419 persunas tranter ils 13 ed ils 21 da matg 2016.

Actualmain mussa il project da votaziun davart il servetsch public la pli gronda malsegirtad. Avrir maletg en lightbox.

Legenda da maletgs: L'iniziativa perda sustegn, ma il gea maina anc adina. Il project davart il servetsch public sparta las opiniuns. RTR

Tant dapli èn creschidas las vuschs cunter l’iniziativa a favur dal service public: 41% (+15%) vulan dir na u plitost na a l’iniziativa. I sa tracta d’ina situaziun da pari, ma il trend mussa cleramain vers in na a l’urna.

Tant las votantas ed ils votantas da la PS sco era quels da la PPS s’han laschà persvader entaifer l’ultim mais da la campagna cunter l’iniziativa. Il facit intermediar da Claude Longchamp è perquai era:

«  Ils Svizzers vulan a medem mument in servetsch public che correspunda a l’economia dal martgà e che protegia ils consuments. »

Claude Longchamp
gfs.bern

Gea a l’iniziativa «Midada da la lescha d’asil»

Clera è la situaziun tar la midada da la lescha d’asil: 60% (+1%) ha ditg gea u plitost gea a la proposiziun da las autoritads, 29% (-1%) na u plitost na. Il gea a la midada da la lescha d’asil è dentant vegni consolidà era cun la segunda retschertga dal gfs.bern. Anzi, i dat anc in trend minimal vers in gea.

La midada da la lescha d'asil vegn bunamain cun cumpletta segirtad acceptada a l'urna. Avrir maletg en lightbox.

Legenda da maletgs: Il trend daventa be pli cler: La midada da la lescha d'asil vegn bunamain cun cumpletta segirtad acceptada a l'urna. RTR

La mesadad dals votants dumandads han ina cler’intenziun da votaziun; els èn u fermamain per u fermamain cunter l’iniziativa. 11% na san anc betg ch’è ch’els mettan en l’urna.

Er entaifer la PPS – la partida che ha lantschà il referendum – en 49% dals votants e da las votantas per il project. I dat qua in foss tranter la partida e sia basa. L’argument il pli ferm è ch’ils proceders per requirents d’asil vegnan pli effizients. Tut mussa vers in gea a l’urna.

Na a l’iniziativa «Per ina finanziaziun gista dal traffic»

Tenor ils resultats da l’actuala retschertga da gfs.bern datti probablamain in na per l’iniziativa per ina finanziaziun gista dal traffic.

Las opiniuns segiras per in na (32%) domineschan en cumparegliaziun cun in gea segir da 22%. Avrir maletg en lightbox.

Legenda da maletgs: Las opiniuns segiras per in na (32%) domineschan en cumparegliaziun cun in gea segir da 22%. RTR

Il surpais da la vart cunter il project da votaziun è restà. Dentant: Cun 11% votants indecis na cuntanschan ils adversaris anc stgars betg la maioritad. 40% (-2%) dals dumandads han ditg gea u plitost gea a l’iniziativa, 49% (+2%) na.

En cumparegliaziun cun l’emprim’enquista sa conferma il maletg d’opiniun critic anc in zip pli fitg. Durant la fasa principala ha la vart da na gudagnà 2 puncts da pertschient; 2% ha pers la vart per l’iniziativa. Il trend vers in na è plitost bass en cumparegliaziun cun autras iniziativas, ma el è preschent.

Na a l’iniziativa «Per in’entrada da basa nuncundiziunada»

Per l’iniziativa «Per in’entrada da basa nuncundiziunada» avessan mess 71% (-1%) dals interrogads in na en l’urna e 26% (+2) in gea. Quai mussa ch’i vegn a dar in cler na ils 5 da zercladur.

Dapi l'ultim trend hai dà 2% dapli gea ed 1% damain na. Avrir maletg en lightbox.

Legenda da maletgs: La midada na mida nagut. Dapi l'ultim trend hai dà 2% dapli gea ed 1% damain na. RTR

Il dischavantatg pesant dals iniziants è uschia vegnì transportà en la fasa principala dal cumbat da votaziun. Però n’è el betg creschì pli fitg.

Tenor l’institut gfs.bern n’èsi betg da far quint cun grondas midadas. In midament en furma d’in uschenumnà ‘last-swing-effect’ cun ina pitschna creschientscha dal gea è dentant pussaivla.

Sursiglir cuntegn supplementar

Il studi

La segunda retschertga sin incumbensa da la SSR SRG ha fatg l'institut da perscrutaziun gfs.bern tar 1'419 persunas cun dretg da votar en Svizra. Las persunas tschernidas represchentativamain han respundì tranter ils 13 ed ils 21 da matg 2016. Il sbagl da prova munta a +/- 2,9%.

Referendum cunter la lescha davart la medischina da reproducziun

Davart la lescha davart la medischina da reproducziun LRAM n’ha gfs.bern fatg naginas retschertgas.

La conferenza da las schefredacturas e dals schefredacturs da la SRG SSR ha decidì da na far naginas retschertgas tar quai project.

L'argument è che las Svizras ed ils Svizzers hajan avant bun in onn gia detg cun 62% cleramain gea a la midada da la constituziun. La debatta davart la lescha saja sumeglianta ed ins sappia perquai ir da quai anora ch'il resultat vegni ad esser el medem rom.

RR novitads 17:00 / RR actualitad 17:00