Siglir tar il cuntegn

Votaziuns federalas L'entira taglia sin petroli per las vias naziunalas

L'iniziativa per ina finanziaziun gista dal traffic pretenda che tut las entradas da la taglia sin petroli sa tschentan en la chascha per il mantegniment e la gestiun da las vias naziunalas. Quai fissan 1,5 milliardas franca ad onn dapli che fin uss.

Legende: Video L’iniziativa «vatga da latg» – pro e contra abspielen. Laufzeit 3:24 Minuten.
Or da Telesguard dals 11.05.2016.

Nov stessan uschè a disposiziun 5,2 milliardas francs per il traffic sin via. Tenor ils adherents pudessan uschia vegnir abolidas colonnas e sitgargiadas las citads e las aglomeraziuns. Quai avess era effects positivs per l'economia.

In gea manass ad in disequiliber da la relaziun tranter la via ed il binari

Tenor ils adversaris n'è l'uschenumnada iniziativa da la vatga da latg betg la buna soluziun per ils problems dal traffic sin via. I mucassan a la Confederaziun 1,5 milliardas francs e questa perdita suess vegnir cumpensada cun mesiras da spargn u cun augments da taxas en autras domenas. Cun quest'iniziativa daventass l'ir cun auto pli bunmartgà e quai manass ad in disequiliber da la relaziun tranter la via ed il binari.

Plinavant lavuria il parlament actualmain vi dal fondo per las vias naziunalas ed il traffic d'aglomeraziun, curt NAF. Cun quest fondo, analog al FABI per la viafier pudessan ils problems da las vias naziunals vegnir schliads a moda structurada e durabla, uschia ils adversaris da l'iniziativa.

Tut las partidas grondas auter che la PPS en sa posiziunadas cunter l'iniziativa. Quai vala er per il Cussegl federal, ils chantuns e las vischnancas.

RR actualitad mezdi 11:00