Siglir tar il cuntegn

2016/11/27 Berna resta cotschen-verd

En la citad da Berna resta l'allianza cotschen-verda cleramain al timun. Tar las elecziuns da la regenza ha ella gudagnà in quart dals tschintg sezs.

La nova regenza da la citad da Berna
Legenda: La nova regenza da la citad da Berna. Keystone

Pers ses sez ha la PLD, il directur da finanzas liberaldemocrat Alexandre Schmidt ha manchentà la reelecziun. La partida cristian-democratica ha pudì defender ses sez cun Reto Nause.

Era victoria en il parlament

La sanestra ha era gudagnà sezs en il parlament da la citad da Berna, quai cunzunt las gruppaziuns giuvnas da la JUSO ed ils Giuvens Alternativs. Pers quatter da set sezs en il parlament bernais ha la PBD. En tut ha il bloc sanester ussa cleramain dapli che la mesadad dals 80 sezs.

Anc nagin 'stapi' nov

La cursa per la successiun dal president da la citad da Berna Alexander Tschäppät che sa retira è anc averta. L’emprim dal scrutini da la dumengia è daventà Alec von Graffenried da la Glista verd-libra, dentant na han nagins dals numerus candidats per il presidi cuntanschì il pli absolut. Il segund scrutini ha lieu mez schaner.

RR novitads 06:00