Siglir tar il cuntegn

2016/11/27 Tavau di gea a las revisiuns parzialas da la planisaziun locala

Tuttas trais revisiuns èn cleramain vegnidas approvadas a Tavau. La zona per occurenzas da sport cun 2'534:302 vuschs, la zona d'abitadi da vacanzas Solaria cun 2'311:442 e la zona da mastergn cun 2'408:334 vuschs.

Hosps a Tavau.
Legenda: Midada da zona era in gea al turissem. Keystone

Zona per occurenzas da sport ed occurenzas spezialas en las zonas Bolgen, Bünda e Stilli

En las zonas Bolgen, Bünda e Stilli vegnan mintga onn fatg tschertas lavur per pudair organisar singulas occurenzas spezialas. I dat ina certa discrepatanzas tranter las pretensiuns dals organisaturs ed dals abitants e dals possesurs da vacanzas. Per vinavant pudar organisar questas occurenzas spezialas ston ins midar las zonas.

Abitadi da vacanzas Solaria

Abitadi da vacanzas Solaira è in menaschi sumegliant ad in hotel ch'è a l'ur da la zona da lieu (Ortsrandzone). Quest abitadi è tar la davosa revisiun da zona betg vegnì integrà en il sectur hotel. Per pudair realisar locals da cuminanza per giasts sto la zona vegnir midada.

Zona da mastergn Sandgruoba e Frauenkirch

L'areal dal implant da glera en il territori «Sandruog»serva a plirs dievers che stattan en connex cun l'economia da construcziun: Implant da glera, reutilisaziun dal rument da demoliziun, producziun da betun sco era lavuratori da construcziun. Las midadas dal basegn da plaz dals davos onns pretenda ina nova soluziun ed ina meglra utilisaziun.

RR novitads 13:00