Luzi Schutz daventa president da Bravuogn Filisur

La vischnanca fusiunada da Bravuogn Filisur ha ses emprim president.

Laschar ir video «Il nov president communal da Bravuogn Luzi Schutz»

Il nov president communal da Bravuogn Luzi Schutz

2:52 min, Telesguard dals 25.9.2017

Luzi C. Schutz ha gudagnà il cumbat electoral encunter ses concurrent Stephan Mettier. Il resultat è stà cler: Schutz ha survegnì 272 vuschs, 188 dapli che Mettier. Luzi C. Schutz ha 29 onns e ha studegià istorgia e politologia. Experientscha schurnalistica ha el rimntà tar il Bündner Tagblatt. Actualmain è el engaschà tar l’archiv statal a Turitg.

Luzi Schutz. Avrir maletg en lightbox.

Legenda da maletgs: Luzi Schutz. RTR, Federico Belotti

Luzi Schutz ha ditg envers RTR, ch’il termin da scasar da sia dimora actuala Turitg en Val d’Alvra saja ideal, cun quai che ses engaschi tar l'archiv statal da Turitg giaja a fin quest onn. La nova vischnanca Bravuogn Filisur va en vigur l'emprim da schaner da l’auter onn. L’elecziun per ils quatter posts en suprastanza è ils 29 d’october. Sco quai che Stephan Mettier ha ditg avant la votaziun envers la gasetta Südostschweiz, veglia el star a disposiziun per in post en suprastanza, sche sia candidatura na grategia betg. Mettier n'è betg stà cuntanschibel per RTR per ina posiziun. Sin la glista uffiziala per la suprastanza hai il mument trais persunas, quatter dovri.

RR novitads 12:00++