Siglir tar il cuntegn

Header

audio
Refurma da las rentas - pro e contra
Or da Actualitad dals 22.08.2017.
laschar ir. Durada: 4 minutas 4 Secundas.
cuntegn

Votaziuns PRO E CONTRA – Refurma da las rentas

IIs aderents din ch'i saja dad agir uss e da dir gea a la refurma, uschiglio na sajan las rentas insumma betg pli garantidas. Per ils adversaris èsi però cler, ch'igl è meglier da dir uss na ad ina refurma che maina mo a deficits.

La refurma da las rentas 2020

ProContra
In deficit da milliardas tar l’AVS po mo vegnir evità cun in gea a questa refurma. Cun auzar la taglia sin plivalur ed auzar la vegliadetgna da renta da da las dunnas pon vegnir emplenidas las cassa da l'AVS.Cun dar als novs pensiunais 70 francs dapli AVS al mais datti mo dapli deficit cun la refurma che senza ella.
Da la refurma profiteschan plitost persunas che na gudognan betg tant u che lavuran parzialmain. Quellas han la schanza da survegnir ina segunda pitga ed ina renta pli auta.Ils giuvens duain pajar dapli en la prevenziun da vegliadetgna - els n'han però nagut da quai. Gnanca la renta dad els è segirada cun la refurma.
Cun la refurma vegn la pensiun flexibla e vegn uschiaer adattada al mund da lavur da oz.Quels ch'èn gia pensiunads na profiteschan betg da la refurma. Els mo perdan. Els na survegnan betg ils 70 francs dapli ed els ston pajar dapli taglia sin plivalur.
Mo cun dir gea po il sistem da rentas vegnir garantì er en l'avegnir. Senza refurma na pon las rentas betg pli vegnir pajadas ora a partir dal 2030.Igl è meglier da dir uss da na a la refurma che d'avair pli tard in deficit anc bler pli grond cunquai ch'il sitem da rentas vegn extendì e betg refurmà. I sa tracta d'ina pseudo-refurma.

Tgi e per e tgi encunter?

Ch'i dovra ina refurma è cler. Dispitaivel è sche la refurma da las rentas 2020 è la gista. Il Cussegl federal propona da dir «gea» a la refurma da las rentas. Tenor il minister da sanadad Alain Berset èsi pli che urgent ch'i dettia ina refurma.

ll Cussegl dals chantuns sco era il Cussegl naziunal din gea a la refurma. La decisiun en il Cussegl naziunal è dentant stada fitg stretga: Mo cun ina vusch differenza ha la chombra gronda acceptà la refurma.

Entant ch'ils aderents discurran dad in tipic cumpromiss svizzer, discurran ils adversaris dad ina pseudo-refurma.

La PPS e la PLD èn encunter, las autras partidas sustegnan la refurma.

Partidas

ProContra
Partida cristiandemocratica (PCD)Partida populara svizra (PPS)
Partida burgais-democratica (PBD)Partida liberaldemocratica svizra (PLD)
Partida verd-liberala (PVL)
Verds
Partida socialdemocratica

Organisaziuns

ProContra
Centre patronal economiesuisse
Uniun purila svizra GastroSuisse
Sindicats HotellerieSuisse
Uniun svizra da mastergn (SGV)
Patruns svizzers

La votaziun en duas parts

La votaziun davart la refurma da las rentas è ils 24 da settember e sa cumpona da duas parts:

  • Conclus federal davart la finanziaziun supplementara da la AVS tras in augment da la taglia sin la plivalur
  • Lescha federala davart la refurma da la prevenziun da vegliadetgna 2020

La refurma da las rentas vala mo sche omadus projects vegnan acceptads.

L'emprima retschertga da l'institut gfs.bern mussa ina tendenza a favur da la refurma. 53% da las persunas cun dretg da votar en Svizra schessan il mument gea tenor la retschertga.

Artitgels legids il pli savens