Segirezza alimentara – Sustegn da l'Uniun purila grischuna

Tut las partidas sustegnan l'iniziativa che prevesa da francar la segirezza alimentara en la constituziun.
Il comité grischun è sa preschentà oz cun ils arguments.

Laschar ir video «Sustegn grischun per la segirezza alimentara»

Sustegn grischun per la segirezza alimentara

2:40 min, Telesguard dals 5.9.2017

La segirezza alimentara na sa chapeschia betg da sasez per la Svizra, è vegnì purtà sco argument. Il fatg che la quota saja crudada l’onn 2016 sut 50% suttastritga la necessitad e l' intent da l‘iniziativa èn ils aderents persvas.

Per il comité pro, ed en spezial per l'Uniun purila grischuna. èsi impurtant da mantegnair terren agricul e che quel na stoppia betg far plaz a surfabricaziuns u al guaud. Impurtant saja er da prender serius ils giavischs dals consuments che vulessan aliments producids ecologicamain e ch'ins na bitta betg davent vivonda.

Cun in artitgel en la constituziun savess la muntada e la necessitad vegnir francada, uschia ils aderents grischuns.

RR novitads 12:00