Siglir tar il cuntegn

2018/09/23 10% damain sustegn per iniziativas agraras

Fiss vegnì votà l'emna passada, avessi anc adina dà ina maioritad per las iniziativas da fair-food e per la suveranitad alimentara. Cumpareglià cun l'emprima enquista da Tamedia avessan dentant 10% pli paucs votants e votantas mess in Gea en l'urna.

verduras.
Legenda: 10% damain sustegn per iniziativas agraras. Keystone

Avant in'emna avessan anc 55% dals votants e da las votantas ditg gea a l'iniziativa da fair-food. Avant duas emnas e mez eran quai anc 64%. Quai resulta da la segunda enquista da Tamedia ch'è vegnida publitgada la mesemna. Plitost cunter u cunter l'iniziativa èn s'exprimids 42% dals dumandads. Quai èn 9% dapli ch'èn l'emprima enquista.

A l'iniziativa per la suveranitad alimentara han 53% ditg gea u plitost gea. Tar l'emprima retschertga eran quai anc 63%. Na u plitost na han ditg 43% – er qua 9% dapli ch'avant duas emnas e mez.

Dapli votants per vias da velo

Al conclus federal davart las vias da velos han 50% dals dumandads ditg gea u plitost gea. Quai è in lev augment cumpareglià cun l'emprima enquista. Ils adversaris han pers 2% e vegnan anc sin 42%. Tar quest conclus datti però anc adina 8% ch'èn indecis.

Segunda enquista da Tamedia

A l'enquista da Tamedia èn tranter ils 22 e 25 d'avust 9'415 persunas sa participadas. L'enquista è vegnida fatga online sin tut ils portals da news dal concern da medias en l'entira Svizra. Ils resultats han ins valità tenor criteris demografics, geografics e politics.

RR novitads 06:00