Siglir tar il cuntegn
cuntegn

Votaziuns 25-11-2018 Bleras controllas enfin tar la renta d'invaliditad

Quantas giadas vegn in pazient controllà, avant ch'el survegn ina renta d'invaliditad? Il medi Martin Tomaschett fa in exempel.

Duain retschertgas zuppadas vegnir lubidas?
Legenda: Detectivs socials Duain retschertgas zuppadas vegnir lubidas? Keystone

La fin da quest mais vegn votà davart la dumonda, sche segiradas socialas duain survegnir la pussaivladad da far retschertgas zuppadas per sclerir, schebain ina persuna suspectada ha il dretg sin sia renta u betg. Dentant enfin che la persuna vegniss observada, fiss ella gia vegnida controllada pliras giadas: L'emprim va il pazient tar il medi da chasa.

Martin Tomaschett è dapi 25 onns medi da chasa a Trun. El sa, tge malsognas ubain accidents ch'èn il pli grev d'enconuscher ed uschia ils pli probabels per cugliunaders da segiradas. El enconuscha tut tenor malsogna dentant er ina u l'autra dumonda per tuttina surmanar il simulant, sch'el ha be inventà il mal.

RR actualitad 07:00