Siglir tar il cuntegn
Inhalt

Votaziuns 25-11-2018 Ina halla polivalenta per Panaduz

Ils 25 da november decida il suveran da Panaduz davart ina halla polivalenta. La halla è budgetada cun 17,9 milliuns francs. In augment dal pe da taglia n’è betg previs.

Fotografia da charta.
Legenda: RTR, Tona Poltera
Il basegn per ina halla pli gronda han las uniuns da sport adina puspè deponì.
Autur: Elita Florinpresidenta communala da Panaduz

Uschia resumescha Elita Florin la presidenta communala da Panaduz. Il 2015 allura han las uniuns da sport inoltrà ina petiziun. E cunquai ch'er la scola ha memia pac plaz ha la vischnanca piglià enta maun il project. Ensemen cun las uniuns da sport e da cultura e cun la scola è il project vegnì lantschà. Entaifer 12 mais èn vegnidas fatgas las lavurs da preparaziun uschia ch’il suveran po decider ils 25 da november a l’urna.

18 milliuns francs

Er sche la halla multifuncziunala custa prest 18 milliuns francs po Panaduz restar enfin il 2021 tar in pe da taglia dad 88%. «En la summa che va avant il pievel èn calculads tut ils custs», argumentescha Florin il credit, «er ils custs per sanar la scola e la halla existenta».

Ina halla per sport, cultura e scola

La nova halla multifuncziunala vegn construida sin in plaz da sport existent e cumpiglia ina halla da sport dubla, ina sala cun tribuna fixa e divers locals da scola.

RR actualitad 08:00