Siglir tar il cuntegn
Inhalt

Votaziuns 25-11-2018 PLD: Gea a lescha per survegliar assicurads socials

A la radunanza da delegads da mesemna saira a Lai èn ils liberaldemocrats grischuns suandads a las parolas da la partida mamma. Il project grischun, l'iniziativa dubla «Per ina buna scola grischuna» han els refusà unanimamain.

Ils delegads liberaldemocrats en la sala da l'hotel Schweizerhof a Lai.
Legenda: Ils delegads liberaldemocrats èn sa radunads en l'hotel Schweizerhof a Lai. MAD, Silvio Zuccolini

L'iniziativa d'autodeterminaziun che vul metter il dretg svizzer sur il dretg internaziunal han ils delegads da la PLD grischuna refusà cun 50 cunter 4 vuschs senza discussiun. Er il NA a l'iniziativa davart las vatgas cun corna è stà cler. Quai cun 46 cunter 3 vuschs.

L'unica parola GEA ha la PLD grischuna decidì per la lescha davart la surveglianza d'assicurads social. Ils delegads èn stads unanimamain da l'avis ch'i dovria la basa legala che vegnia stgaffida entras la lescha.

Il project grischun, l'iniziativa dubla «Per ina buna scola grischuna» han els refusà unanimamain.

RR novitads 09:00