Siglir tar il cuntegn
Inhalt

Votaziuns 25-11-2018 Pliras uniuns agriculas cunter vatgas cun corna

Pliras associaziuns professiunalas agriculas e cussegliers naziunals èn cunter l’iniziativa davart las vatgas cun corna. Tegnair vatgas e chauras cun corna saja privlus per purs ed animals. Quai scrivan tranter auter l’uniun da las puras svizra e l’associaziun vatgas-mamma svizra.

duas vatgas cun corna statta sin in prà
Legenda: Sustegnair ils purs che tegnan vatgas cun corna u betg? Il pievel svizzer ha da decider. Keystone

En ina communicaziun communabla scrivan las uniuns ch'il tema saja simpatic sin l'emprima egliada. Il text d'iniziativa na correspundia però betg a la tendenza a lunga vista, nua che adina dapli animals naschian, tras selecziun, senza corna. Introducir ina contribuziun per animals cun corna pudess er influenzar la finamira da la protecziun d'animals, scrivan las organisaziuns. Vitiers concurrenzass la nova contribuziun per animals cun corna autras mesiras da la politica agrara.

L'iniziativa dal pievel «Per la dignitad dals animals da niz» u curt l'iniziativa davart las vatgas cun corna, vegn votada dal suveran svizzer ils 25 da november.

RR novitads 16:00