Siglir tar il cuntegn
Inhalt

Votaziuns 25-11-2018 Sbagl en carnet da votaziun

Il dumber dals probabels cugliunaders da l’Assicuranza d’invaliditad – che sajan vegnids survegliads en media mintg’onn – saja fauss. Uschia scriva l’Uffizi federal d’ assicuranzas socialas.

Purtret dal carnet da votaziun
Legenda: En il carnet da votaziun per las votaziuns dals 25 da november datti in sbagl. Admin.ch

Dal 2010 fin il 2016 haja l'Assicuranza d'invaliditad sclerì en media 2'400 e betg 2'000 cas da probabel abus d'assicuranzas. Plinavant sajan vegnidas observadas be 150 persunas e betg 220 sco en la versiun stampada dal carnet da votaziun. I ha pia dà pli paucas observaziuns.

La versiun online dal carnet da votar è vegnida adattada en tuttas quatter linguas. La versiun stampada han ils votants e las votantas gia survegnì e na po betg vegnir curregida.

Recurs pervi da las explicaziuns

Ils 25 da november decida il suveran davart la lescha per survegliar assicurads socials. Ils adversaris avevan crititgà las explicaziuns dal cussegl federal en il carnet da votaziun pervi dad autras raschuns. Els avevan empruvà da franar la distribuziun dal carnet. Il Tribunal federal ha dentant refusà il recurs.

En in stadi uschè tard da las preparativas per la votaziun na saja in'intervenziun cun mesiras preventivas betg giustifitgada. El ha fatg l'avis che la votaziun possia vegnir annullada. Quai fiss pussaivel sche la votaziun vegn fatga sin fundament dad infurmaziuns faussas e l'iniziativa vegniss approvada.

RR novitads 06:00