Telesguard da votaziun

Il Telesguard da votaziun rapporta davart las votaziuns naziunala, chantunalas sco era communalas.

Logo Telesguard. Bild in Lightbox öffnen.

Legenda da maletgs: Logo Telesguard. RTR

Sper las duas dumondas naziunalas rapporta il Telesguard surtut davart projects grischuns. Grischunas e grischuns decidan dumengia davart in credit da 27 milliuns francs per ina nova mensa per la scola chantunala, ina mediateca e locals per la protecziun dals bains culturals per l’uffizi da cultura. La PPS cumbatta sco unica partida quel project. El saja memia char. Nicola Stocker, president da la PPS giuvna dal Grischun discutescha cun la deputada da la PS, Beatrice Baselgia che sustegna il project. Sper quel unic tema chantunal dat quai era elecziuns communalas p.ex. a Tujetsch nua che Beat Roeschlin dal chantun Zug vul daventar president communal. Il Telesguard vista el la dumengia d’elecziun.