Siglir tar il cuntegn

Header

cuntegn

WEF 2022 Il Forum mundial d'economia ha puspè lieu a Tavau

Il World economic forum, WEF, ha il 2022 definitivamain puspè lieu a Tavau. Quai han ils organisaturs communitgà oz. Suenter ch'il WEF 2021 è vegnì manà tras a moda virtuala, turna el l'auter onn puspè enavos en il Grischun a Tavau. Quai davent ils 17 enfin ils 22 da schaner. Ils temas sin la glista da tractandas èn tranter auter la midada dal clima ed il futur dal martgà da lavur che sa mida.

Enfin oz n'eri betg cler sch'il WEF ha puspè lieu en Svizra u betg. Era Singapur avess numnadamain gì interess dad esser il lieu d'occurrenza per il Forum mundial d'economia.

Il landamma da Tavau Philipp Wilhelm è cuntent che il WEF turna. I saja in grond plaschair ed ina onur da puspè dastgar beneventar ils osps dal Forum mundial d'economia. Er la regenza grischuna è satisfatga.

audio
Marcus Caduff davart il WEF a Tavau
00:18 min, RTR Audio dals 17.09.2021.
laschar ir. Durada: 00:18 minutas.

Era la politica Svizra è cuntenta ch'il WEF ha puspè lieu a Tavau. Il president da la Confederaziun Guy Parmelin ha laschà citar ch'il dialog tranter ils acturs e las acturas ord da las differentas branschas saja gist en temps da crisa fitg impurtant.

audio
Per tedlar curt e cumpact
00:58 min, Novitads dals 16.09.2021.
laschar ir. Durada: 00:58 minutas.

RTR novitads 17:00

Artitgels legids il pli savens

Scrollar a sanestra Scrollar a dretga